T Gruschli êsstmu im Wênter in dä Faschinachtu un in dä Firtagu. Z Fescht wa mu derjaaru z Pumatt fêri kmachut het, êscht naa dem Hew mennä cho in dä letschtä Tagu Wênter.Wen t Hewgädäm läär ksê sên, de sên di Jungu opschi kgangä ( uf ä Früt, z Chärbäch, z Maraschk ), da hen sch de z Hew uf dä Horuschlêttu kladä . Ä lengi Letti êscht de 15 kilometer nêtschi kschlêpft. Wen di Jungu anglangät sên, sên nä t Metjê ingägä kgangä un hen nä anbêtät heisi Fleischbrêjê mêt rotä Wii drê.
Z Pumatt, in dä Derfjênu wa Hasunuss ksê sên, hen sch kroschti Hasunussjê tzwäkreisut. Schi hen de t Hasunussjê grob tzerhakchut un schi ufum Fiir in än Panna mêttum Tzukcher kreschtät, schi hen de öw än Tropf Limuni dertzö ta.
Was wêllschi
– halbä Litter Mêlläch
– Achä
– äs Ei
– äs Glasjê Prantz
– Mäl
– halbs Limuni
– Saltz, Tzukcher, un Eli
* Halbä Litter Mêlläch ärlewä
* tzerlaanä Achä dertzö tö
* äs Ei, äs Glas Prantz, äs Presi Saltz dertzö tö un rêrä
* halbs Limuni üstrêkchä un's drê tö
*Mäl dertzö tö bês gnök êscht
* leibu. Der Tek üstzêê un mêttum Roller nä in fêêrschretzi Schtêkchälti höwä
* in heisäs Eli bratä. Tzukchru un ässä wen t Gruschli chalti sên.